Un pasu p’alantre contra’l fascismu. N’alcordanza de Carlos. (Video)
Contra’l fascismu d’ayeri y güei: llucha con memoria
Mias>> sofito la iniciativa de la Coordinadora Antifacista d’Asturies énte los habituales homenaxes fascistes al dictador Francisco Franco que tienen llugar nestes feches y la vergoñosa Llei de Memoria Hestórica aprobada pol PSOE, insuficiente dafechu pa coles víctimes de la represión franquista.
N’alcordanza de Carlos
Mocedá d’Izquierda Asturiana quier sumase a les abondes expresiones de duelgu, condena y murnia pol asesinatu en Madrid esti domingu 11 del rapaz antifascista Carlos Javier Palomino a manos d’un soldáu profesional del exércitu español y dar ánimu a los sos familiares, amigos y collacios; amás de deseyar y esperar la conderga merecida pal so asesín y les midíes afayadices pa que nun vuelvan a repetise fechos como esti, qu’amuesen a les clares la manera d’actuar de los colectivos fascistes, que solo son quien a llamar l’atención llevando per delantre vides como la d’esti mozu de 16 años. Carlos, descansa en paz.