Tener proyeutu la meyor forma de lluchar escontrar la represión

L’actividá qu’entamó a les 19:30 hores allargóse fasta les diez de la nuechi. Tres la charra-alderique Calecer entamó un pinchéu nel Centru Social “L’Ayalga (Llar d’Andecha)” onde nun ambiente más distendíu podieron siguir intercambiandose opiniones. Pa la ocasión, Calecer asoleyó un Dossier de procesos escontra la llibertá d’espresión ya criminalización de la protesta social de 43 fueyes colos materiales necesarios pa atalantar l’enguedeyu de sumarios, sobremanera el 18/98.

Xabier Barbez, del grupu trabayu 18/98 foi l’encargáu d’entamar la charra faciendo un resumen de lo que foi’l procesu, el contestu y como nes imputaciones hai &nbsp una extensión del conceptu “terrorista” y afítense non en fechos de calter “terrorista” sinon na intencionalidá y la motivación que persigue el nuevo terrorista al facer les sos actividaes, anque estes seyan llegales y pacifiques dafechu. Tamién s’analizó la desproporcionáo y la distribución de les penes de cárcele que cumplen los procesaos. Xabier Oleaga, imputáu nel procesu al diariu Egunkaria, esplicó ‘l contestu historicu y políticu nel que &nbsp se desendolcó y el so propiu desenrollu dende la clausura en 2003 del únicu periodicu n’euskera qu’esistía, les detenciones y tortures fasta’l propiu procesu judicial qu’anguañu espera xuiciu pal que ironicamente’l fiscal pide l’archivu del casu. Nestes intervenciones remarcóse que nun se imputen fechos relevantes dende’l puntu de vista del derechu penal&nbsp sino meres actitudes, motivaciones que crea un derechu penal de intención, siendo los oxetivos y non los medios los que se penalicen, siendo la plasmación judicial del conceutu de “terrorismu desarmáu” o inclusive “terrorismu pacificu”. Pela so parte, Rubén Martínez de la Coordinadora Antifacista d’Asturies foi l’encargáu d’esplicar el procesu coleutivu que viven anguaño les 14 persones deteníes na convocatoria antirracista que ficieron dellos colectivos asturianos en Cangues d’Onis, el 10 de setiembre de 2005, en rempuesta a una concentración de calter rascista de Democracia Nacional. Les 14 persones enfrentense a una petición total de 35 años de cárcele y descomanaes multes económiques y acúsenlos de delitos de desordenes públicos y atentáu contra la autoridá pol meru fechu de querer una sociedá onde nun tengan cabida nin el racismo, nin la xenofobia, nin el facismu. Rubén Martínez qu’espresó la postura que caltién la Cordinadora Antifacista d’Asturies plataforma dende la cuala se va facer la campaña de denuncia política y se van recoyer fondos p’afrontar el procesu xudicial. Tres les intervenciones de los ponentes abrióse l’alderique onde los presentes pudieron entregar coses concretes y exponer les sois impresiones.

Ente les conclusiones que se sacaron pue remarcase dalgunes idegues:

Qu’esiste un procesu represivu escontra los sectores desidentes.
Que nel marcu estatal, el País Vascu actua como llaboratoriu represivu de prautiques que tarde o temprano acaben sufriendose n’Asturies y n’otres partes del estáu.
Que la meyor forma de combatir la represión ye tener un proyectu, nacional o social.
La importancia de centrase n’acumulación de fuercies pal proyectu y p’algamar los oxetivos marcaos, ya que la represión va esistir, y si esiste un proyectu fuerte la represión nun conseguirá los sos oxetivos finales.
Asumir los casos de represión como ataques colectivos y non afrontalos individualmente.
Nun cayer na dinámica de que los casos de represión marquen les rempuestes sinón responder y atender pa los casos pero sin desatender el proyectu y l’acumulación de fuercies nél.

En definitiva la meyor manera de facer frente a la represión ye tener un proyectu fuerte.

NOTICIAS ANTICAPITALISTAS