Solidaridad con el independentista asturiano juzgado en la Audiencia Nacional

La organización de mocedá independentista Darréu quier pronunciase alrodiu del casu de represión carecíu pol mozu independentista asturianu A.O.R., que sedrá xulgáu la prósima selmana na Audiencia Nacional española acusáu d’un delitu d’enaltecimientu del terrorismu y de despreciu a les víctimes por mor d’un comentariu nuna rede social, qu’informó a les fuerces policiales españoles del mesmu.

Asina, una vegada más atopámonos con una situación repetía cíclicamente nesti estáu, onde amosar una opinión que fraye colos dogmes institucionales en materia de nacionalidá, drechos sociales, o en cualquier otra estaya social tien consecuencies nidies: la represión, el secuestru y la criminalización propio de la llei antiterrorista, que ye aplicada de mena arbitraria según si’l responsable de los fechos ye parte del sistema o de la so disidencia.

El casu d’ A.O.R. atropa éstos requisitos, nun siendo’l primer independentista asturianu prindáu nin, murniamente, el caberu, pues l’estáu español nun tien otra salida que l’aplicación de métodos represivos pa intentar callar a quien nun piensa como ellos nin creye nel so modelu d’estáu, económicu nin social.

Ente esti nuevu episodiu represivu, Darréu quier afitar que parte de la igua pasa pel drechu a decidir del pueblu asturianu, que nun debe almitir nin un minutu más los secuestros de compatriotes unviaos a Madrí escontra la so voluntá por unes fuerces policiales ayenes a la estaya popular, pa ser xulgaos nun tribunal d’esceición politizáu y parcial cuando se trata de xulgar a independentistes.&nbsp

Amestao a ello, ye fundamental entamar cola tresformación de la sociedá&nbsp asturiana, pues les aiciones policiales arbitraries escontra’l pueblu trabayador, asina como cualquier otru tipu de represión o abusu de poder, son parte indivisible del sistema capitalista nel que mos atopamos, y sólo ye posible qu’ello camude cola tresformación social y nacional d’Asturies.

Poro, Darréu solidarízase dafechu con A.O.R., y encamienta a los asturianos y asturianes a acudir a la concentración solidaria que tendrá llugar el 16 d’Avientu na Plaza’l Parchís de Xixón a les 20 hores, p’amosar el sofitu al compañeru represaliáu y el refugu a cualquier aición gubernamental d’ésti calter.

NOTICIAS ANTICAPITALISTAS