Ogrobe: Desaparece cocaína apreendida num quartel da Guarda Civil

Desta forma, suspendeu-se temporariamente a tramitaçom de expedientes sancionadores contra os agentes deste corpo de segurança, por supostas deficiências na custodia.&nbsp
"Esperaremos até que se resolva o tema pola via penal, e se concluir de forma negativa, seguirá o seu curso a tramitaçom administrativa das sançons", explicou Delfín Fernández, delegado do governo espanhol em Ponte Vedra, depois de indicar que os expedientes disciplinarios "já se abrírom há meses", ainda que nom tenha transcendido até as últimas horas a existência de umha investigaçom interna no seio da Guarda Civil de ogrobe.&nbsp
O subdelegado do Governo espanhol recusou concretizar a quantidade de droga desaparecida, conquanto apontou -com respeito ao dado oficioso de 12 quilos de cocaína de umha apreensom de 20 quilos- que "provavelmente a quantidade desaparecida nom seja tam elevada".&nbsp
Fernández argumentou que, quando se pesou pola primeira vez a cocaína apreendida -relacionada com umha planeadora que apareceu varada numha praia do concelho de Ogrobe- "o fardo estava molhado e levava ainda as cordas", enquanto quando se pesou novamente, as condiçons já eram outras.&nbsp
O subdelegado do Governo em Ponte Vedra concluiu que "seguramente, tivo algumha merma" entre ambas pesagens, se bem apontou que em qualquer caso "nom foi umha merma de quilos".&nbsp
NOTICIAS ANTICAPITALISTAS