Mobilización en contra da explotación do sector leiteiro por parte da distribución

Durante máis de dúas horas impediuse a entrada e saída de camións ao complexo loxístico Mercagalicia, onde se atopa a central de DIA S.L.

&nbsp Con esta acción denunciamos unha vez máis a grave problemática á que está a facer fronte o sector lácteo e visibilizar un dos factores máis claros da mesma: as abusivas marxes comerciais aplicados polas empresas distribuidores.

Para este mes de abril industrias coma CELEGA ou PASCUAL veñen de suspender as recollidas de leite para consumo líquido, levándoo, segundo din, para a transformación en leite en pó, polo que o importe pagado ao sector produtor redúcese aproximadamente á metade do xa baixo prezo actual.

Esta práctica está deixando centos de familias de produtores e produtoras nunha situación economicamente insostíbel (fortes gastos&nbsp de mantemento e produción (0,37€ aprox.) con baixos&nbsp ingresos&nbsp polo leite), que aboca ás nosas explotacións cara un profundo endebedamento e á perda do sector agrogandeiro máis relevante do noso país.

———–

Os gandeiros do leite cortan o acceso a Mercagalicia

Varios centos de gandeiros cortaron esta mañá cunha cadea o acceso á cancela de MercaGalicia, onde está o centro de distribución dos supermercados Día en Santiago de Compostela. Os produtores protestan así contra as marxes comerciais das grandes superficies, un dos factores que está a derrubar os prezos que cobran os gandeiros polo leite.

A acción, no medio dunha importante presencia policial, conta co respaldo dos tres sindicatos principais do agro –Sindicato Labrego Galego (próximo ao nacionalismo), Unións Agrarias (próximo ao PSdeG) e Xóvenes Agricultores (próximo ao PPdeG)– e das cooperativas organizadas en AGACA.
Detidos e negociacións coa Policía
O corte a Mercagalicia prolongouse por máis de dúas horas na que unha ducia de camións deste importante centro de distribución ficaron bloqueados. Ao redor da unha e media, os antidisturbios detiveron a dous dos manifestantes tras advertir que cumpría retirar a cadea. Despois de negociar cos gandeiros a fin da protesta, a Policía Nacional liberounos sen que se produciran máis incidentes. &nbsp &nbsp
Os manifestantes levaban unha pancarta co lema "Esiximos garantía de recollida e prezo" e encheron de carteis a contorna do centro de distribución de Día en&nbsp Mercagalicia, no Polígono do Tambre. &nbsp

Protesta planeada contra Día, non contra MercaGalicia
A pretensión inicial da protesta era que varios líderes sindicais se encadeasen na nave dos supermercados Día. A forte presencia policial, helicóptero incluído, evitou que os gandeiros accederan á nave –que está no interior de MercaGalicia– polo que ao final a manifestación cortou o tráfico todo o recinto.
Os gandeiros denuncian que cadeas como Día se aproveitan das importacións masivas de leite foráneo, sobre todo francés. Os sindicatos argumentan que son importacións “ilegais”, pois as industrias mercan o produto por debaixo do prezo mínimo fixado polo sector en Francia.

Prosigue así a unidade de acción dos sindicatos e cooperativas agro contra as industrias e as cadeas de distribución retomada tras o conflito do contrato homologado.

AGACA OBRIGADA A VENDER A 0,18 EUROS O LITRO PARA LEITE EN PO
Importacións masivas mentres fica leite sen recoller en Galicia

O certo é que as granxas do país non poden competir cos prezos das importacións.&nbsp No país, o custe de produción non baixa dos 35 céntimos por litro. Os gandeiros galegos denuncian que as empresas están a ameazar con non recollerlles o leite se os produtores non venden a 30 céntimos.

Unha proba da situación crítica do sector é a medida&nbsp anunciada por AGACA esta semana. Dous mil dos seus afiliados venderán o leite a só 0,18 euros o litro, moi por debaixo do custe de produción. Venderános para produción de leite en po, evitando así que o produto se perda ante a falta de recollida por parte das industrias.

Pascual, Celta e Puleva xa comezaron a non recoller leite en varias cooperativas. E iso malia que o Estado é deficitario neste produto, polo que ten que recorrer a importar un tercio do consumo.

Boicot ao contrato homologado

A Xunta tentou remediar a crise co contrato homologado, que permitía aos gandeiros cobrar por adiantado e ter dereito a un prezo estábel durante un ano. Con todo, a iniciativa de Medio Rural non tivo éxito, pois o número de contratos homologados asinados é moi reducido, “insignificante” segundo Unións Agrarias, quen acusa ás industrias de estar a tentar tirar os prezos antes de firmar estes acordos.

&nbsp O SLG GABA AS COOPERATIVAS DE CONSUMO RESPONSÁBEL

Os sindicatos piden aos consumidores que non merquen leite importado

Carme Freire, do SLG, pediu aos consumidores que se poñan do lado dos gandeiros galegos con medidas concretas “na defensa do sector produtivo”. Así Freire animou aos cidadáns a consumir “nas pequenas tendas”, evitar mercar produtos do agro nas grandes superficies e fuxir das marcas brancas.

“É importantísima unha alianza cidadá”, insistiu a líder do SLG, quen puxo como exemplo ás cooperativas de consumo ecolóxico, que están agromar en case todas as cidades do país.

Freire lembroulle ao Goberno do Estado que onte o Congreso aprobou unha proposición do BNG no que se indica ao Executivo que regule as marxes das cadeas de hipermercados, que definiu como “grandes monstros que invaden a nosa cociña”.

As cooperativas denuncian “dumping encuberto”
&nbsp
Dende as cooperativas alértase do “dumping encuberto que están a facer as grandes cadeas de distribución internacional”. Son palabras do xerente da Asociación Galega de Cooperativas Agrarias (Agaca), Hixinio Mougán, quen criticou moi duramente a ministra do Medio, a socialista ourensá Helena Espinosa.
&nbsp
“Urxe que a ministra sente na mesa á distribución e que diga basta a que os distribuídores participen neste dumping”, reclamou Mougán en referencia as importacións masivas de leite francés por debaixo do prezo “legal”.
&nbsp
Unións Agrarias e Xóvenes Agricutores
&nbsp
Xavier Iglesias, de Unións Agrarias, argumentou que o 80 por cendo do capital da distribución no Estado é foráneo. Por iso entende que se está a producir un “nacionalismo comercial” pola importación de leite por debaixo do prezo pactado polo sector en Francia.
Dende Xóvenes Agricultores, Francisco Bello, solicitou aos consumidores que “non só miren o prezo” á hora de encher a cesta da compra. Bello pide aos cidadáns que consuman produtos do país e tamén atacou as importacións de produtos a prezos cos que os gandeiros galegos non poden competir.&nbsp
NOTICIAS ANTICAPITALISTAS