Más de 150 persones concentrensé d´urxencia frente al ayuntamientu de Xixón en repulsa al asesinatu del mozu antifacista en Madrí
Pa les 20:00 hores taba convocada una concentración de repulsa pol asesinatu d´un compañeru antifacista de 16 años d´edá en Madrí durante´l trescurso d´una manifestación contra la inmigración legalizá pol partiu ultra Democracia Nacional.
Más de 150 persones asistieron al actu convocao d´urxencia, boca a boca.
Nel actu se recordó al compañeru muerto y los ferios en Madrí durante la mañana de güei cuando secundaben una protesta contra´l racismu. Tamién, se informó de l´actividá que Democracia Nacional tien n´Asturies, rellacionada coles agresiones de corte facista y racista que bien sofriendose nos caberos tiempos.
Na pancarta podía lleese: "Non más asesinatos facistes ensin conderga social". Pa finar se animó a participar na manifestación del 17 de Payares en Xixón contra´l facismu onde va tar mui presente lo asocedio en Madrí.