Galego, sempre mais: contra a imposiçom do castelhano

E este ano estamos a viver um contexto novo, um contexto cheio de dúvidas e de poucas esperanças para a sobrevivência da língua na Galiza, daí que todos o colectivos que assinamos este manifesto queiramos expressar conjuntamente o nosso ponto de vista e contribuir para o avanço da normalidade lingüística no nosso País.

O nosso manifesto leva como lema&nbsp “Galego, sempre mais”, e dizemos isto porque achamos que se por um lado o galego é umha língua cheia de possibilidades e oportunidades, por outro lado, tudo o que se fizer na Galiza em favor dos usos da língua galega nunca será suficiente. Saímos à rua com umha mensagem clara:&nbsp “Contra a imposiçom do castelhano”.

Os colectivos que assinamos este manifesto&nbsp temos toda a vontade de&nbsp somar esforços pola dignificaçom do galego na Galiza. Se este 17 de maio nom há convocatória unitária é porque a mesa pola normalizaçom lingüística optou por prescindir do resto de organizações (fomos convidados a apoiar umha mobilizaçom já convocada previamente). A Mesa nom é a única organizaçom a defender a língua e, portanto, nom pode agir como se o fosse. É por isto que nom apoiamos nominalmente a manifestaçom da Mesa. No entanto, por responsabilidade com o momento histórico que padecemos, somaremo-nos a este 17 de Maio. Faremo-lo mantendo umha distáncia com quem achamos que atende mais as necessidades de umha sigla política que as do movimento normalizador.

Manifesto 17 de maio de 2009

“Galego, sempre mais.&nbsp Contra a imposiçom do castelhano”

O dia 17 de maio é um dia para denunciar nas ruas a única impossiçom linguística verificável que este país sofre diariamente. E este ano estamos a viver um contexto novo, um contexto cheio de dúvidas e de poucas esperanças para a sobrevivência da língua na Galiza, daí que todos o colectivos que assinamos este manifesto queiramos expressar conjuntamente o nosso ponto de vista e contribuir para o avanço da normalidade linguística no nosso País.

O nosso manifesto leva como lema&nbsp “Galego, sempre mais”, e dizemos isto porque achamos que se por um lado o galego é umha língua cheia de possibilidades e oportunidades, por outro lado, tudo o que se fizer na Galiza em favor dos usos da língua galega nunca será suficiente. Saímos à rua com umha mensagem clara:&nbsp “Contra a imposiçom do castelhano”.

Os colectivos que assinamos este manisfesto&nbsp temos toda a vontade de&nbsp somar esforços pola dignificaçom do galego na Galiza. Se este 17 de maio nom há convocatória unitária é porque a mesa pola normalizaçom linguistica optou por prescindir do resto de organizaçons (fomos convidados a apoiar umha mobilizaçom já convocada previamente). A Mesa nom é a única organizaçom a defender a língua, e portanto nom pode agir como se o fosse. É por isto que nom apoiamos nominalmente a manifestaçom da mesa. No entanto, por responsabilidade com o momento histórico que padecemos, somaremo-nos a este 17 de Maio. Faremo-lo mantendo umha distáncia com quem achamos que atende mais as necesidades de umha sigla política que as do movimento normalizador.

Por todo isto este 17 de maio queremos fazer saber que:

1 É umha falácia que exista uma imposiçom do galego. A imposiçom do castelhano nom tem discussom desde o momento em que é a única língua que todos os cidadaos e cidadás do estado espanhol tenhem a obrigaçom de conhecer segundo a Constituiçom espanhola.

2&nbsp Reclamamos, para enfrentar esta situaçom, a&nbsp aboliçom do sistema legal que subordina o galego ao castelhano, a aboliçom do supremacismo castelhano que procura a limpeza do galego e exigimos a implementaçom de autênticas políticas de normalizaçom lingüística ao serviço da nossa sociedade.

3 Consideramos hipócrita a negaçom do conflito lingüístico&nbsp existente na sociedade galega, causado por umha legislaçom de inspiraçom perversa, que condiciona e impede o desenvolvimento de umha verdadeira normalizaçom lingüística. Exigimos, aliás, que instituiçons teoricamente concebidas para o estudo e potenciamento da língua (RAG e ILG) se pronunciem sobre tal conflito, saindo de um silêncio que colabora na subordinaçom do galego e na manutençom do supremacismo castelhano.

4&nbsp Afirmamos que&nbsp a normalizaçom lingüística é um direito colectivo inalienável, constituindo a necessária coesom social de cada povo em torno à língua própria. O monolingüismo social é o complemento natural ao polilingüismo individual e à diversidade lingüística crescente das sociedades actuais. Negamos a reduçom do galego a um fenómeno meramente individual pois, como qualquer língua viva, é umha realidade social cujo sentido e utilidade reside no seu uso na Galiza como língua comum a todos e todas e para o relacionamento internacional.

5 Toda a instituiçom social, como os meios de comunicaçom, ensino, administraçom e quaisquer serviços públicos,&nbsp deve contribuir, portanto, para a eliminaçom dos preconceitos e discriminaçons contra a nossa identidade&nbsp lingüística e cultural e promover a normalizaçom lingüística. Denunciamos especialmente a pretensom de continuar discriminando o galego no ensino infantil e pré-escolar, encorajando o auto-ódio e a galegofobia.

6&nbsp Consideramos que, frente ao recrudescimento do discurso refractário ao galego na vida pública, a política lingüística nos últimos quatro anos se tem caracterizado pelo&nbsp continuísmo com a era fraguista. E que com a chegada do novo governo à Junta da Galiza se aproximam tempos de retrocesso e de concessom aos sectores mais espanholistas.

9&nbsp A nossa aposta é reintegracionista,&nbsp pois consideramos que o único futuro do galego passa por integrar-se no mundo da Lusofonia que permitirá a sua sobrevivência, ajudará ao seu prestígio e, sobretodo, fará com que os utentes tenham um universo de possibilidades de relaçons humanas, comerciais e culturais ao seu dispor.

10&nbsp Fazemos parte do movimento social de base que trabalha diariamente ao longo de muitos anos para a dignificaçom da língua e da cultura galegas e que&nbsp nom somos um movimento que fique à espera de que governos ou instituiçons venham a lançar leis que salvem ou embarguem o futuro da língua.

11 O sistema cultural galego, com todos os seus produtos, é um sistema cultural dependente do sistema cultural espanhol&nbsp e tem como conseqüência que todos os produtos que chegam a nós tenham que ter passado anteriormente um filtro. A nossa cultura nunca conseguirá falar em pé de igualdade com culturas doutros lugares estando sob este jugo, pois nom poderá ter presença própria, senom através da espanhola.

12&nbsp Denunciamos a discriminaçom e silenciamento da tradiçom cultural galeguista do reintegracionismo, e reclamamos o justo reconhecimento social de umha das principais figuras culturais do século XX galego, cujo legado continua vivo: Ricardo Carvalho Calero, para o que reclamamos o Dia Das Letras no ano 2010. Ano em que se cumprem 100 anos do seu nascimento e 20 anos do seu finamento.&nbsp

NOTICIAS ANTICAPITALISTAS