Folixa por un CSOA n’Asturies

7

Queremos comunicar dende la organización anarquista UAR/XAR Asturies, que’l prósimu dí 31 de mayu, sábadu, fadráse una folixa nel chigre’l Bache (C/Almacenes bocacai de Marqués de San Esteban), a les 21:00 h., col mor d’entesacar fondos pal proyeutu de creyación d’un CSOA n’Asturies.

El nuesu proyeutu, ye ambiciosu ya abegosu, sabémoslu. Tamién les nueses ganes de creyar y construyir al marxe del sistema ye pergrande. Somos optimistes, por ello, seique, somos anarquistes… Lo de nós son les utopíes. A vegaes, unes más abegoses qu’otres, poro eso nun les fai emposibles.

Sabemos que la creyación d’un CSOA ye un trabayu perduro, que necesita tiempu y dedicación, ganes ya a vegaes daqué de frustración. Empotencia’n dellos casos. La meta ye lo que cunta, los resultaos tamién. El tirar la toballa de magar un entamu nun mos apurra ren.

Si s’algama sedrá un gospiu emportante de los Mov. Sociales n’Asturies. Sedrá un llugar de rexunión ente la xente del barriu u s’afaye. Un llugar de cambéu del sistema, con atividaes infinites.

Pa qu’esto seya posible necesitamos la vuesa gabita, el vuesu sofitu y collaboración.

Esperámoste’l sábadu 31 de mayu nel Bache, a les 21:00h. Trai collacixs y nun escaezas difundilo!