Demite-se o subdelegado do Governo espanhol em Lugo, acusado de envolvimento numha rede de corrupçom
A investigaçom é conduzida polo julgado número 3 de Lugo e a  Delegaçom do Governo espanhol na Galiza confirmou a demissom voluntária do mais alto cargo político dependente de Madrid na província galega desde 2004, perante a perspectiva de umha imputaçom por parte das instáncias judiciais que instruem o caso.
De facto, Jesús Otero terá que declarar na próxima semana nos tribunais lugueses, umha vez que o chefe provincial de Tránsito, Julio González, dixesse que a anulaçom das multas partia das ordens directas de Otero.
O suborno dos funcionários e cargos políticos conseguia atrasar a cobrança de multas de tránsito até a prescriçom das mesmas, segundo reconheceu o chefe provincial de Tránsito em Lugo, que afirmou nom concordar com essas práticas mas que se via obrigado a aplicá-las por "obediência devida" a Jesús Otero.