Contundente vitória da CIG nas eleiçons sindicais do funcionariado público da Junta da Galiza

Publicidad

A CIG sobe 9 delegadas/os tirando um total de 51 entre as cinco Juntas de Pessoal.


Foto de Galiza Contrainfo (CC /by-nc-sa/2.0) – Manifestaçom da CIG polo 1 de maio.

A CIG incrementa em 9 o número de delegados/as a respeito de 2011 e é, aliás, a o único sindicato que aumenta presença entre o quadro de pessoal de funcionariado público da Junta.

Os sindicatos espanhóis em conjunto perdem peso. Assim CSIF e CCOO, próximos da direita e da social-democracia espanholistas respetivamente, perdem representaçom, enquanto a UGT, próxima do PSOE, consegue nom piorar os números de fai quatro anos. Desaparecem as duas pessoas delegadas afiliadas a outros sindicatos.

A composiçom, portanto, fica assim (entre paréntese os resultados de 2011):

CIG CSIF CCOO UGT OUTROS TOTAL
Serviços Centrais 11(10) 5 (7) 5 (5) 4 (5) 25 (27)
Corunha 10 (8) 5 (7) 6 (5) 4 (3) 0 (2) 25 (25)
Lugo 10 (8) 6 (7) 3 (4) 4 (4) 23 (23)
Ourense 4 (6) 12 (8) 5 (7) 2 (2) 23 (23)
Ponte Vedra 16 (10) 3 (6) 3 (4) 3 (3) 25 (25)
TOTAL 51 (42) 31 (35) 22 (25) 17 (17) 0 (2) 121 (123)

Em palavras do Secretário Nacional da CIG para a Administraçom Autonómica, Roberto Varela, os resultados som um «castigo às políticas do Partido Popular em relaçom à administraçom pública», que terám conduzido a «anos duros» em que o funcionariado público tem protagonizado um levantamento «contra a maior agressom das últimas decadas ao coletivo». «A CIG foi a força sindical que estivo do lado do funcionariado público na luita destes quatro anos» – frisa.

Da CIG agradecem a confiança depositada no sindicato e promete «continuar no caminho da defesa dos interesses das e dos empregados públicos e de umha Administraçom Pública galega e de qualidade».

http://www.diarioliberdade.org/artigos-em-destaque/404-laboraleconomia/55413-contundente-vit%C3%B3ria-da-cig-nas-elei%C3%A7ons-sindicais-do-funcionariado-p%C3%BAblico-da-junta-da-galiza.html

También podría gustarte

Los comentarios están cerrados.

This website uses cookies to improve your experience. We'll assume you're ok with this, but you can opt-out if you wish. Accept Read More